CQ WPX SSB - 2010

Неколку години наназад овој контест не будеше некој голем интерес за работа, освен некои поединечни активности на некои членови. Оваа година учеството во истиот беше еден вид едукациски за нашите нови членови од ПП Секцијата во средното училиште Коле Нехтенин - Штип.
Како по обичај, петокот ни е ден за местење на антените за ниските бандови. На локацијата бевме Крсте, Гого, Дими и јас и до попладнето сите антени беа наместени и спремни за работа, Inv.Vee за 1.8 Mhz, Делта луп за 3.5 Mhz, Боб Таил и 2 X Вертикалки за 7 mhz. Одлучивме да се работи во категоријата М/2 (повеќе оператори - два предаватели) од причини да можат дечките повеке да бидат на станица. Контестот го започнуваат Гого и Дими а по неколку часа работа ги заменуваат Игор и Др.Озрен кои ни се придружија во текот на вечерта. Во саботата дојдоа Алекс и Бојан, и до недела навечер главен удел во работата имаа Алекс, Гого, Дими и Бојан. За прв натпревар во кои учестуваа момците, резултатот е повеке од задоволителен, остварени се околу 2400 врски и скор од околу 4,6 милиони поени. Морам да истaкнам дека беше задоволство да се гледаaт и слушaат коментарите на дечките за и околу натпреварот а пред заминувањето од Сушево прашањето беше "кога е следниот натпревар"